Get all 5 Constantin Luger releases available on Bandcamp and save 25%.
Includes unlimited streaming via the free Bandcamp app, plus high-quality downloads of In Quarantäne, Reissts eich zamm, Da Kurti, Berlin bis Wien, and Rather Dead Than Unremarkable.
1. |
Unsa Wöd
03:18
|
|||
|
Farbiges Gedankenspü,
vü zum sogn und trotzdem stü,
Worte de net wirklich wos dazöhn.
Schritt für Schritt is Zü valurn,
ständig aufm Weg noch vurn,
amoi gwunnan glei drauf wieda Surgn.
Is des wirklich wos ma wuin,
so vü gebm und trotzdem zoin?
Weu des, des is unsa Wöd,
ma probiert so vü obs geht,
die Froge is wos zöht?
Weu des, des is unsa Wöd,
is Freiheit oda Göd,
die Froge is wos zöht?
Sie streckn da die Haund entgegn,
um Di dann später wegzulegn,
die Worheit is des anzige Problem.
Sie wuin fia Di de guatn sein,
zumindest redns da des ein,
Tagaus togein suist Du nua mehr verzeihn.
Is des wirklich wos ma wuin,
so vü gebm und trotzdem zoin?
Weu des, des is unsa Wöd,
ma probiert so vü obs geht,
die Froge is wos zöht?
Weu des, des is unsa Wöd,
is Freiheit oda Göd,
die Froge is wos zöht?
|
||||
2. |
Pfeif auf d' Leit
04:06
|
|||
|
Pfeif auf d' Leit de dauernd deppert redn,
die glaubm dass üba oim drüba stehn.
Vüle san heit gaunz weit vuan
beim Bledsinn redn und dabei gscheit tuan.
Pfeif auf d' Leit, pfeif auf d' Leit,
pfeif auf d' Leit, pfeif auf d' Leit.
Pfeif aufd Leit heast in dem feinen Zwirn,
de vü vasprechen und nua obkassian.
Sie nehman Dei Göd und song es wiad mehr,
doch am End san Deine Toschn leer.
Pfeif auf d' Leit, pfeif auf d' Leit,
pfeif auf d' Leit, pfeif auf d' Leit.
Pfeif aufd Leit de imma nua schen tuan,
waunst eana'n Rucken zuadrahst host valurn.
Deine Freind kaunnst zöhn an ana Haund,
bei olle aundan stehst boid an da Waund.
Pfeif auf d' Leit, pfeif auf d' Leit,
pfeif auf d' Leit, pfeif auf d' Leit.
Pfeif aufd Leit de stott zu diskutian,
auf eana Frau eindreschn ohne Hirn.
Wo aundas spüt er in grossn Mau
und daham hauta hin weu a nix aundas kau.
Pfeif auf d' Leit, pfeif auf d' Leit,
pfeif auf d' Leit, pfeif auf d' Leit.
Pfeif aufd Leit de ka Ahnung hom
und trotzdem glaum sie miassn imma wos sogn.
San deppad wie a Stickl Hoiz
und auf den Müll dens redn no furchtboa stoiz.
Pfeif auf d' Leit, pfeif auf d' Leit,
pfeif auf d' Leit, pfeif auf d' Leit.
|
||||
3. |
Es is nix kloa
03:46
|
|||
|
Heast Oida kaunnst ma sogn wos do ogeht,
rundherum do brennt die Wöd.
Mir is net kloa warum se olle zreissn,
und warum si kana mehr vasteht.
Weu glaub ma ans, i kennt das echt net sogn,
irgendwie geht des über mein Verstaund.
Es gabat so a Menge wichtiger Frogn,
Und die Fäden rennan anfoch nua foisch zaumm.
Es is nix anfoch, es is nix kloa,
und auf jeden Foi is nimmer so wies woa.
Es is nix anfoch, es is nix kloa,
und auf jeden Foi is nimmer so wies woa.
Wie kaunn des sein dass olles so vakehrt rennt,
dass ma net siacht, da Weg der geht bergob?
A jedes Haundln mocht des ois no ärga,
und wos ma tuat, es is scho längs vataun.
Es is nix anfoch, es is nix kloa,
und auf jeden Foi is nimmer so wies woa.
Es is nix anfoch, es is nix kloa,
und auf jeden Foi is nimmer so wies woa.
|
||||
4. |
Berlin bis Wien
03:43
|
|||
|
Da Himmel is heit dunkelgrün,
da Nebel sticht wia Hei.
Die Büda rennan um die Wett,
so kunnts ruhig öfta sei.
Da Winta ziagt ma quer ins Gsicht,
im Hirn wird’s eisig koit.
Die Party foat min D-Zug fuat,
so is des bei uns hoit.
Von Berlin,
owe bis noch Wien.
In Berlin,
und natürlich in ganz Wien.
Konfetti springt vom Trampolin,
direkt in mei Sö.
A lila Hirsch brockt Heidelbeern,
da schenste Weg ind Hö.
Von Berlin,
owe bis noch Wien.
In Berlin,
und natürlich in ganz Wien.
Da braune Zwerg wird riesengross,
im roten Bluattunö.
Wenn ea aunklopft an Dein Pumpmhaus,
jo daunn geht nix mehr schnö.
Da Doktor legt a Plottn auf,
des Liad riacht kugelrund
Mit Murmeln bau ma uns an Turm,
aus schwoaz wiad wieda bunt.
Von Berlin,
owe bis noch Wien.
In Berlin,
und natürlich in ganz Wien.
|
||||
5. |
Wirschtelstaund
03:26
|
|||
|
Wirschtelstaund, Wirschtelstaund,
mia san beinaund - vorm Wirschtelstaund.
A Schnitzelsemmel einewiagn,
a Käsekrainer drüberziagn,
an siassn Senf oda schoaf waunns is,
des Gurkerl drinnen hot an Biss.
Der neben mia is fett ois wia,
sauft scho de 12te Dosen Bier,
So a Blech des trinkt se leicht,
hoit uns beim Redn die Gurgl feicht.
Wirschtelstaund, Wirschtelstaund,
mia san beinaund - vorm Wirschtelstaund.
Da Novak von da zwara Stiagn,
is wieda schwa am Diskutiern.
Daham die Oide hot an Grant,
drum is er do am Wirschtelstaund.
Es gibt a gaunz a neiches Gschiss,
a Wiaschtl wo ka Fleisch drin is,
da Kevin liegt do vui im Trend,
er druckt sis eine ohne End.
Wirschtelstaund, Wirschtelstaund
mia san beinaund - vorm Wirschtelstaund.
Brennend heisser Wirschtelstaund - so schön, schön war die Zeit...
Wirschtelstaund, Wirschtelstaund,
mia san beinaund - vorm Wirschtelstaund.
Es trifft si ois, ob bled ob gscheit
Da Wirschtelstaund mocht jedem Freid
Fias klane Göd a guate Gschicht
Kumm hau ma si no wos ins Gsicht...
Wirschtelstaund, Wirschtelstaund,
mia san beinaund - vorm Wirschtelstaund.
|
||||
6. |
Dazö ma mehr
03:56
|
|||
|
Es woa a koida Wintaobend, ois wia waunns gestan gwesn wa,
an Tog wia den vagisst ma nia, sei Lebtog net.
Dort wo Du jetzt bist geht’s da bessa, sowos red ma si hoit ein,
des hüft an drüba, waunn ma ollas net vasteht.
Wia woan Freind, woan wia Briada, unsa gaunzes Lebn laung,
und jetzt bist gaungan, host es so wuin, ohne an Wuat.
Und i denk ma in mia drinnan, vielleicht hätt i mehr frogn suin,
wos mit dia is, wias da so geht, doch jetzt bist fuat.
Dazö ma mehr, loss mi wissen wias da geht.
Dazö ma mehr, i hob eh scho vü zvü gredt.
Los mi wissen wos Du denkst, worüba Du Di so sehr kränkst,
kumm setz Di zuwa do, füll da a Glasl aun,
bei mir is ollas wos Du sogst in guate Händ.
Mia hom fü draht, fü wos net guat woa, doch wos suis wia woan hoit jung,
sowos schwasst zaummen, ohne Frog, wia Leim und Huiz.
Woa ana weg, daunn hot da aundre gschaut, wias draussn weidageht,
ma tuat des, logisch, füa sein Freind, des mocht an stuiz.
Dazö ma mehr, loss mi wissen wias da geht.
Dazö ma mehr, i hob eh scho vü zvü gredt.
Los mi wissen wos Du denkst, worüba Du Di so sehr kränkst,
kumm setz Di zuwa do, füll da a Glasl aun,
bei mir is ollas wos Du sogst in guate Händ.
|
||||
7. |
Da letzte Taunz
03:32
|
|||
|
Heast mei Freind wos mochst Du do mit dera Oidn?
I schau da scho a Zeit lang zua wos'd tuast.
I kaunn mi daun schen laungsaum nimma hoitn,
weu glaub ma ans, de tuat da goa net guat.
Er sogt nua red' mas eine in a Sackl,
waun er Zeit hätt hurcht a si den Bledsinn au.
Weu mit dea Oidn hau a si heit auf a Packl,
und er frogt mi wos geht mi des Gaunze au?
Es is net ois so guat wie's vielleicht ausschaut,
es is net ois aus Guid wauns a schen glänzt.
Es is oft so dass staubt waun ma wo draufhaut,
und net sötn stehst daun deppad do am End.
Er frogt mi wos do foisch rennt bei dem Hosn -
I kenn sie von da Hockn, sie haast Fraunz.
Er wird jetzt woi die Finga von ihr lossn.
Na Gott sei Daunk, des woa da letzte Taunz (mitn Fraunz).
Es is net ois so guat wie's vielleicht ausschaut,
es is net ois aus Guid wauns a schen glänzt.
Es is oft so dass staubt waun ma wo draufhaut,
und net sötn stehst daun deppad do am End.
|
||||
8. |
De Wochn
03:45
|
|||
|
Es is hoiba zwa, i kumm von da Bar am Hamweg in da Nocht
Weu i so stark schwank suach i ma a Bank, seit drei Tag bin i scho wach
Hät ned feiern soin owa i hob hoit woin, a Partie wor schnö beinand
Jede Floschn leer ohne Gegenwehr, anfoch ogfüllt bis zum Rand
Und wir saufen, und wir saufen,
und wir saufen, und wir saufen, und wir saufen.
Und wir saufen, und wir saufen,
und wir saufen, und wir saufen, und wir saufen.
I fohr in de Stodt schaun wos da Fleischer hot, weu da Hunger wa scho groß
Furn bei da OMV is scho da erste Stau, bist du bled do is wos los
Wan da Hofa schreit es is Einkaufszeit, daunn rennans wia de Norrn
Weu es Bockpapier is büllig ois wia, do kennt ma jo wos sporn
Und wir kaufen, und wir kaufen,
und wir kaufen, und wir kaufen, und wir kaufen.
Und wir kaufen, und wir kaufen,
und wir kaufen, und wir kaufen, und wir kaufen.
Schau mi in Spiagl au hängt a Waumpm drau, die Spurtl i jetzt weg
Schreib mi ins Centa ei, bin glei a Joah dabei, kost an Haufn Göd der Dreck
Hob neiche Turnschuach woin mit Luft in die Soin, mit de lauf i duat am Baund
Doch noch kurza Zeit föht Biss und Eitelkeit, hob liaba 's Kriagl in da Haund
Scheiss auf laufen, scheiss auf laufen,
scheiss auf laufen, scheiss auf laufen, scheiss auf laufen.
Scheiss auf laufen, scheiss auf laufen,
scheiss auf laufen, scheiss auf laufen, scheiss auf laufen.
I geh drausd spazian Frischluft inhalian, weu da Frühling is so sche
Alle Blumen blühn und die Wiesn grün, merk net glei wo i do steh
Kurzer Blick noch unt und i hob den Grund warum es do so stinkt
Steh in an Hundsdreck drin, der weil i in Flip Flops bin mia durch die Zechn dringt
Steig in Haufen, steig in Haufen,
steig in Haufen, steig in Haufen, steig in Haufen.
Steig in Haufen, steig in Haufen,
steig in Haufen, steig in Haufen, steig in Haufen.
I steh aufm Heisl vo den Nobelbeisl und kampel ma de Hoa
Kummt a junga Bua, gibt sein Senf dazua dea net zwanghoft wichtig woa
Wü scho aussegeh, bleibt a vua mia steh und schaut mi deppat aun
Sein Aug is blau, woa vo eam net schlau, ma suit wissen wos ma kau
Und wir raufen, und wir raufen,
und wir raufen, und wir raufen, und wir raufen.
Und wir raufen, und wir raufen,
und wir raufen, und wir raufen, und wir raufen.
Und wir saufen, und wir kaufen,
scheissen aufs Laufen, steign in Haufen und wir raufen.
Und wir saufen, und wir kaufen,
scheissen aufs Laufen, steign in Haufen und wir raufen.
|
||||
9. |
Schene Weihnochtszeit
03:43
|
|||
|
Schau wia's schneit, wia da Schnee liegt in da Gossn,
wia die Kinda spün und ollas is so stü.
Olle ham si wieda gfreit auf die schene Weihnochtszeit,
doch net für jeden is des Lebm a Ringelspü.
Da ane oabeit von da Fruah bis in die Nocht,
fia a poa Schüling, hot drei Kinda und a Frau.
Und de hom si olle gfreit auf die schene Weihnochtszeit,
obs Göld fias Essen reicht des was er net genau.
Du i glaub wia suitn uns a Bissl umschaun,
und die Augen offen hoitn wos so passiert.
Weu do draussn in da Wöd san so vü Leit denan wos föht,
ganz in da Nähe vielleicht a Kind des furchtboa friert.
Da aundre mocht an Haufm Knedl in da Hockn,
foat mitn Daimler zu sein nächstn Gschäftstermin.
Sei Famülie hot si gfreit, doch es gibt ka Weihnochtszeit in Singapur
drum sitzt a jetzt im Flugzeig drin.
Du i glaub wia suitn uns a Bissl umschaun,
und die Augen offen hoitn wos so passiert.
Weu do draussn in da Wöd san so vü Leit denan wos föht,
wer nur für'd Firma lebt hots Lebm net kapiert.
So vüle kumman vo weit her weus durtn Aungst hom,
vua Kriag und Hunger auf da Flucht furt von daham.
Vielleicht schoff ma fia de Leit bei uns a schene Weihnochtszeit,
zindn a Kerzn au fia de, die nix mehr hom.
Vielleicht schoff ma fia de Leit bei uns a schene Weihnochtszeit,
zindn a Kerzn au fia de, die nix mehr hom.
Du i glaub wia suitn uns a Bissl umschaun,
und die Augen offen hoitn wos so passiert.
Weu do draussn in da Wöd san so vü Leit denan wos föht,
los uns gemeinsam schaun dass wieda bessa wird.
Du i glaub wia suitn uns no amoi umschaun,
und die Augen offen hoitn wos so passiert.
Weu do draussn in da Wöd san so vü Leit denan wos föht,
los uns gemeinsam schaun dass wieda bessa wird.
|
||||
10. |
33 Grad
03:25
|
|||
|
Du stehst auf net gaunz in da Fruah,
in Himmel gibt’s in Blau heit nur,
draussn hots 33 Grad.
De Sunn de locht da scho entgegn,
ka Red vo nomoi niedalegn,
weu heite wird’s moi wieda richtig haas.
De guate Laune im Gepäck,
heit zagst da Wöd wos in Dia steckt,
nua den Bauch, den ziagst Du ein.
Dei Winterspeck is net gaunz fuat,
heit denkst net draun, heit geht’s da guat,
in gaunzn Tog nua Strand und Sonnenschein.
33 Grad, und ka Woikn.
33 Grad, do schwitzt sis fein.
33 Grad, wos sui uns hoitn?
In gaunzn Tog wuin mia im Straundbod sein.
In ganzn Tog am Schottastraund,
ergibt an schenan Sonnenbraund,
es Sonnenöl des steht daham herum.
An Hot dog fuan vom Wiaschtlstaund,
de Dosn Bier no in da Haund,
A poa Stund san beim Koatn spün glei um.
33 Grad, und ka Woikn.
33 Grad, do schwitzt sis fein.
33 Grad, wos sui uns hoitn?
In gaunzn Tog wuin mia im Straundbod sein.
Und waun da Tog zu Ende geht,
hassts no laung net dass de Wöd stüsteht,
am Obend geht de Party richtig los.
Auf da Strossn wird de Nocht zum Tog,
Musik spüt, de wos jeda mog,
mia sitzen, die Gitarren aufm Schoss.
33 Grad, und ka Woikn.
33 Grad, do schwitzt sis fein.
33 Grad, wos sui uns hoitn?
In gaunzn Tog wuin mia im Straundbod sein.
|
||||
11. |
Irgendwo in Harlem
04:04
|
|||
|
Is Zimmer is büllig, is Heisl am Gang,
de Laumpm de wocklt, nebm foat die Ubahn entlang.
I sitz do am Bett, und denk wos heit scho ois woa,
hob so vü dalebt, wia a Aundra im Joah.
Und wieda a Nocht, in an fremdn Hotö,
draussn is laut, und die Schüda san hö.
Die Luft is zum Schneidn, riacht hoit anfoch noch Stodt,
Freiheit kaunst kan erklärn, ders no net grochn hot.
Ums Eck is a Beisl, genau wia is mog,
bin gaunze Nocht drinnan, und schlof daun am Tog.
Wia i einegehn wü, fliagt grod ana duach d'Scheibm
weu des deppade redn, losst do drin bessa bleibm.
Und wieda a Nocht, in an fremdn Hotö,
draussn is laut, und die Schüda san hö.
Die Luft is zum Schneidn, riacht hoit anfoch noch Stodt,
Freiheit kaunst kan erklärn, ders no net grochn hot.
Nochmittog steh i auf, hui ma vurn an Kaffee,
a grausliche Lockn, oba er hüft beim grod steh.
Aufd Stiagn vua an Haus, sitzn Leit mit an Wein,
bin irgendwo do in Harlem, und trotzdem lodns mi ein.
Und wieda a Nocht, in an fremdn Hotö,
draussn is laut, und die Schüda san hö.
Die Luft is zum Schneidn, riacht hoit anfoch noch Stodt,
Freiheit kaunst kan erklärn, ders no net grochn hot.
|
||||
Constantin Luger Wiener Neustadt, Austria
Der Sänger und Multiinstrumentalist ist in Europa und den USA als Popularmusiker, Opernsänger, Moderator,
Kunstliedinterpret, Autor und Musikwissenschaftler ein Begriff.
Auf Tour spielt er Solo oder mit seiner Band "Constantin Luger & die Kaisermelange" Songs in österreichischer Mundart, die sich kritisch und ironisch mit Themen aus Gesellschaft, Politik und Kultur auseinandersetzen.
... more
If you like Constantin Luger, you may also like:
The Convincer (20th Anniversary Edition)
by Nick Lowe
Released in 2001, “The Convincer” is a gentle gem in the Nick Lowe catalog; an anniversary edition provides opportunity for rediscovery.
go to album
The Woman You Want
by Eliza Shaddad
Haddad returns with cinematic soundscapes that include introspective folk, post-grunge, and indie-pop influences.
go to album
That Bridge Washed Away In The Storm (EP)
by Lowpines
Avi Buffalo had a hand in producing this cassette of Lowpines' serene, self-described "Lo-fi-Anglo-Americana pop songs."
go to album
A dark folk debut from Montreal’s Brigitte Naggar.
go to album
This project from the Spanish indie-pop singer explores nostalgia and joy.
go to album
Between The Blades
by Libby Rodenbough
Libby Rodenbough brings a warm, intimate touch to traditional country-folk songwriting on her latest LP.
go to album
This debut from the Canadian indie artist features pop, folk, and country influences.
go to album
